Engkaro cerita pole tanah ogie. Makkue cerita nae. Riolokomai engka siddi kampong mabela pole kotae, depa gaga laleng watak tana, ya nolai oto. Ajak lalo oto, sepeda depa gaga lalengna. Yaa mi kasi natonangi ko looki bali kampung ya mawu lopi, na ko mabela belai mappompong. Maderito ko masagenai duie to makatinting, engka to makkada bo'layang, engka to makkada sitempelek.
Tau maneng sikomponge napahang manengngi lau-launa ko to mabbolayang. Ya niro ko tomabbolayang tudangi rimondri ribokong seddena mesengnge. Iyano magi to tudang mondri ribokong, nasabak ko polei bombangnge, isedding laddeng lanta'na bo'layangnge ko tudangi riyoolo.
Iyaaro deenagaga caui ko lalaoi ki wiring tasi'e, malanddek miring angingnge are'gi madussai. Yanaro bo'layangnge samenna majallo, poncingge sammena melo reppak. Nasengngie to rioloe mappada tau neddek buku bale, pada lamek lamek e nasalai wai. Yanaro naala deceng depa gaga tau mattampuk kianak silalona nataro bombang. Makkuniro kasi jama jamanna ko to mabbo'layang.
Alhamdulillah, sukkurukki ri Puang Allah Ta'ala, makukkue engkana wakta tanah nabangung pemerintah, meemeng maja omping wakta tanae depa kasi na aspal. Yanaro rikamponge engkana toni yaaseng mamatorok mabbali kampong, nawedding to ni mangoto ko to mabbalanca na kamakka ita-ita ri kotae.
Makkutongenggi naseng tomatoae, iya tonang tonangengge engka maneng jama jamanna. Riolo rikompongnge ko loki mabbolayang, pada meloki tudang mondri ribokong, makkukue pada melosi tudang yoolo. Iyaro ko mangoto tudang mondriki mabok garek, sakau nasenggi anak mudae, sametta melo talluwa.
Engka siddi carita, ceritana anggotae. Iyaniro kalloe anggoate, mattasi kasi jama jamanna. Oto pick up kasi napake mattasi. Mega rupanna nalureng, kaju, manuk, tedong, saping, bembe, agi agi jajimaneng. Engka siddi wettu tau meloi mattasi, engka dua bembe melo nalureng. Mettani kasih mappasilolong, na dee nasipettu. Iyanaro naseng kallolo pattasi anggotae, na mo nawaja ekka dua tampana detto umelo lurenggi. Dena janji jama jamangnge.
Maga toni anggotana kallolo pattasie bingung, kada mangiro nade namelo lurenggi ero bembee. Pada loni anggotana ri kallolo pattasie makkutana saba'na. Yanaro kasi naseng kallolo pattasie nasaba deenamelo lurengngi bembee, nasaba' ya niro bembe pada meloi tudang yoolo, seddena supirik, maboki garek ko tudang mondri ri bolong.
